წესები და პირობები1 თებერვალი 2023
პრეამბულა
Bitnet-ის მომსახურების პირობები თავის მხივ გულისხმობს ჩარჩო ხელშეკრულებას, რომლის მხარეებია Bitnet-ის ვებ-გვერდის ნებისმიერი ვიზიტორი და შპს დიჯითალ პლათფორმ (ს/ნ: 405386826) საფირმო სახელწოდებით „Bitnet”. აღნიშნულ მომსახურების პირობებს მხარე ეცნობა ვებ-გვერდზე სტუმრობისას „ვეთანხმების“ ღილაკზე დაწკაპუნებით, რითიც ადასტურებთ, რომ თქვენ გსურთ მიიღოთ Bitnet-ის მიერ მოწოდებული ნებისმიერი სერვისი, რომელიც მოცემულია Bitnet-ის ოფიციალურ ვებგვერდზე. ასევე თქვენ ეთანხმებით, რომ წაიკითხეთ, გაიგეთ/გაეცანით და მისაღებია ყველა პირობა, რაც მოცემულია წინამდებარე მომსახურების პირობებში და ჩვენს კონფიდენციალობის პოლიტიკაში. გარდა ამისა, სერვისების ზოგიერთი ფუნქციის თქვენ მიერ გამოყენება, შესაძლოა დაექვემდებაროს კონკრეტულ დამატებით პირობებს, რომლებიც გამოიყენება სერვისების გამართულად ფუნქციონირებისათვის.
გთხოვთ, ყურადღებით წაიკითხოთ პირობები, რადგან ისინი არეგულირებენ თქვენს მიერ Bitnet-ის სერვისებით სარგებლობის წესს. დამატებით გაცნობებთ, რომ როგორც ნებისმიერი აქტივის შემთხვევაში, ვირტუალური აქტივის ღირებულება შეიძლება მნიშვნელოვნად მერყეობდეს და არსებობს ეკონომიკური ზარალის მნიშვნელოვანი რისკი ვირტუალურ აქტივში და მათი შეძენის, გაყიდვის, ფლობის ან ინვესტიციის დროს. შესაბამისად Bitnet-ის სერვისებით სარგებლობისას, თქვენთვის მისაღებია და ეთანხმებით, რომ:
(1) თქვენ იცით ვირტუალური აქტივის და მათ ტრანზაქციებთან დაკავშირებული რისკების შესახებ;
(2) თქვენ პასუხისმგებელი ხართ Bitnet-ის სერვისებით სარგებლობისას წარმოებულ ტრანზაქციებზე; და
(3) Bitnet არ გასცემს არანაირ გარანტიებს ვირტუალური აქტივით ვაჭრობისას დამდგარ არასასურველ შედეგებზე.
Bitnet იტოვებს უფლებას ნებისმიერ დროს შეცვალოს ეს პირობები თავისი შეხედულებისამებრ. Bitnet აქვეყნებს ასეთ ცვლილებებს თავის ვებგვერდზე (www.bitnet.ge) პირობების განახლებით და ამ გვერდზე ნაჩვენები [ბოლოს შესწორებული] თარიღის შეცვლით. ამ პირობების ნებისმიერი ცვლილება ძალაში შედის ვებგვერდზე გამოქვეყნებისთანავე. მაშასადამე, თქვენ მიერ Bitnet-ის სერვისების აქტიურად ან პასიურად გამოყენება (ანგარიშის ფლობა) გულისხმობს, რომ შეცვლილი მომსახურების პირობები თქვენთვის მისაღებია, ეთანხმებით და არ გაგაჩნიათ არანაირი პრეტენზია. თუ არ ეთანხმებით ამ პირობების რაიმე ცვლილებას, დაუყოვნებლივ უნდა შეწყვიტოთ Bitnet-ის სერვისების გამოყენება და გააუქმოთ თქვენი როგორც მომხმარებლის იუზერი/ანგარიში.
2. განმარტებები
წინამდებარე პირობებში მოცემული დებულებების შესრულებასთან დაკავშირებით მხარეების მიერ გაფორმებულ სხვა დოკუმენტებში გამოყენებულ ტერმინებს და განმარტებებს აქვთ ქვემოთ განსაზღვრული მნიშვნელობა, გარდა იმ შემთხვევებისა, თუ სერვისის კონტექსტიდან აშკარად სხვა რამ არ გამომდინარეობს:
2.1. Bitnet-ის საფულეები წარმოადგენს ვირტუალურ ანგარიშებს, მათ შორის ძირითად ანგარიშებს და ქვეანგარიშებს, რომლებიც გახსნილია Bitnet-ის მიერ მომხმარებლებისთვის, რათა მათ ისარგებლონ Bitnet-ის სერვისებით, აწარმოონ ტრანზაქციები, აქტივების ცვლილებები და მიიღონ ინფორმაცია მათი ანგარიშების შესახებ.
2.2. Bitnet-ის სერვისები ეხება Bitnet-ის მიერ მოწოდებულ სხვადასხვა სერვისებს, რომლებიც დაფუძნებულია ინტერნეტ ან/და ბლოკჩეინის ტექნოლოგიებზე და შემოთავაზებულია Bitnet-ის ოფიციალურ ვებსაიტებზე. Bitnet-ის სერვისები მოიცავს, მაგრამ არ შემოიფარგლება მხოლოდ Bitnet-ის ეკოსისტემის კომპონენტებით.
2.3. ვირტუალური აქტივი გულისხმობს დაშიფრულ ან ციფრულ ტოკენებს ან კრიპტოვალუტებს გარკვეული ღირებულებით, რომლებიც ეფუძნება ბლოკჩეინსა და კრიპტოგრაფიულ ტექნოლოგიებზე და გამოიცემა და იმართება დეცენტრალიზებული ფორმით peer-to-peer სისტემით.
2.4. KYC აღნიშნავს „იცნობდე-შენს-კლიენტს“ პრინციპს, რომელსაც Bitnet აამოქმედებს საქმიანი ურთიერთობის დამყარებამდე ან მომხმარებლებთან ტრანზაქციების განხორციელებამდე. როგორც ამ პროცესის ნაწილი, Bitnet-ს შეუძლია მომხმარებლისგან მოითხოვოს ყველაფერი, რასაც საჭიროდ ჩათვლის მომხმარებლების იდენტიფიცირებისთვის, მათი ვინაობის დასადასტურებლად, მომხმარებლის ტრანზაქციების შესამოწმებლად და გამოსაკვლევად, ან ნებისმიერი მოქმედი კანონის ან რეგულაციის შესასრულებლად.
2.5. მომხმარებელი აღნიშნავს ყველა ფიზიკურ ან იურიდიულ პირს ან/და სხვა ორგანიზაციულ წარმონაქმნს, რომელიც იყენებს ბიტნეტის სერვისებს და რომელიც აკმაყოფილებენ Bitnet-ის მიერ დადგენილ კრიტერიუმებსა და პირობებს.
3. Bitnet-ის ანგარიშის რეგისტრაცია და მოთხოვნები
3.1. რეგისტრაცია
Bitnet-ის სერვისებით დაინტერესებულმა ნებისმიერმა პირმა უნდა მიმართოს Bitnet-ის სარეგისტრაციო ვებ-გვერდს (www.bitnet.ge), რათა შეძლოს Bitnet-ის სერვისებით სარგებლობა. როდესაც თქვენ დარეგისტრირდებით Bitnet-ის ანგარიშზე, თქვენ უნდა მიაწოდოთ ინფორმაცია ისე, როგორც ამას მოითხოვს Bitnet და დაეთანხმოთ წინამდებარე პირობებს, კონფიდენციალობის პოლიტიკას და Bitnet-ის პლატფორმის სხვა წესებს, ასეთის არსებობის შემთხვევაში. Bitnet-ს შეუძლია, თავისი შეხედულებისამებრ, უარი თქვას თქვენთვის Bitnet-ის ანგარიშის გახსნაზე და ამ დროს არ მოითხოვება დამატებითი დამასაბუთება. Bitnet-ის ანგარიშის გახსნისას თქვენ თანახმა ხართ მიაწოდოთ სრული და ზუსტი ინფორმაცია და დროულად განაახლოთ იგი, Bitnet-თვის მიწოდებული ინფორმაციის მთლიანობისა და სიზუსტის შესანარჩუნებლად. თითოეულ მომხმარებელს (მათ შორის ფიზიკურ ან იურიდიულ პირს ან სხვა ორგანიზაციულ წარმონაქმნს) შეუძლია აწარმოოს მხოლოდ ერთი ძირითადი ანგარიში.
3.2. უფლებამოსილება
Bitnet-ის ანგარიშის გამოსაყენებლად დარეგისტრირებით, თქვენ აცხადებთ და იძლევით გარანტიას, რომ: (1) როგორც ფიზიკური პირი, ხართ მინიმუმ 18 წლის ან ხართ სრულწლოვანი, რომ დაამყაროთ სახელშეკრულებო ურთიერთობა მოქმედი კანონმდებლობის შესაბამისად; (2) როგორც ფიზიკური ასევე იურიდიული პირი, თქვენ გაქვთ სრული შესაძლებლობა და საკმარისი უფლებამოსილება ამ პირობების შესასრულებლად; (3) ადრე არ გქონდათ შეჩერებული Bitnet-ის პლატფორმის ან Bitnet-ის სერვისების გამოყენება; (4) თქვენ არ გაქვთ არსებული Bitnet-ის ანგარიში; და (5) თქვენ მიერ Bitnet-ის პლატფორმისა და Bitnet-ის სერვისების გამოყენება არ არღვევს რაიმე კანონსა და რეგულაციას, რომელიც გამოიყენება თქვენთვის ან იურიდიული პირისთვის, რომლის სახელითაც თქვენ მოქმედებთ, მათ შორის, მაგრამ არ შემოიფარგლება ფულის გათეთრებისა და ტერორიზმის დაფინანსების აღკვეთის ხელშეწყობის შესახებ კანონს.
გთხოვთ, გაითვალისწინოთ, რომ სხვადასხვა ქვეყანაში არსებობს სხვადასხვა სამართლებრივი მოთხოვნები, რომლებმაც შეიძლება შეზღუდონ ის პროდუქტები და სერვისები, რომლებსაც Bitnet კანონიერად უზრუნველყოფს. შესაბამისად, ზოგიერთი პროდუქტი, სერვისი ან გარკვეული ფუნქციები Bitnet-ის პლატფორმაში შეიძლება არ იყოს ხელმისაწვდომი ან შეზღუდული იყოს გარკვეულ იურისდიქციებში, რეგიონებში ან გარკვეული მომხმარებლებისთვის.
თქვენ პასუხისმგებელნი ხართ საკუთარი თავის ინფორმირებაზე, რათა არ დაარღვიოთ ნებისმიერი შეზღუდვა ან/და მოთხოვნები, რომლებიც დაწესებულია Bitnet-ის პლატფორმაზე და Bitnet-ის სერვისებთან წვდომასთან/გამოყენებასთან დაკავშირებით თითოეულ ქვეყანაში, საიდანაც თქვენ გაქვთ წვდომა Bitnet-ის პლატფორმაზე და Bitnet-ის სერვისებზე. Bitnet იტოვებს უფლებას შეცვალოს ან დააწესონ დამატებითი შეზღუდვები Bitnet-ის პლატფორმაზე ან/და Bitnet-ის სერვისებზე წვდომასთან და გამოყენებასთან დაკავშირებით დროდადრო მათი შეხედულებისამებრ ნებისმიერ დროს წინასწარი შეტყობინების გარეშე.
3.3. მომხმარებლის იდენტიფიცირება
Bitnet-ში თქვენი ანგარიშის რეგისტრაცია ჩაითვლება თქვენი თანხმობით პიროვნების დადასტურებისთვის საჭირო პერსონალური ინფორმაციის მიწოდებაზე. ასეთი ინფორმაცია გამოყენებული იქნება მომხმარებლების ვინაობის დასადასტურებლად, ფულის გათეთრების, ტერორიზმის დაფინანსების კვალის, თაღლითობის და სხვა ფინანსური დანაშაულების დასადგენად, ან სხვა კანონიერი მიზნებისთვის, რომლებიც მითითებულია Bitnet-ის მიერ. ჩვენ ვაგროვებთ, გამოვიყენებთ და გავაზიარებთ ასეთ ინფორმაციას ჩვენი კონფიდენციალობის პოლიტიკის შესაბამისად. გარდა ასეთი ინფორმაციის მიწოდებისა, თქვენ თანახმა ხართ, რომ შევინახოთ ეს ინფორმაცია თქვენი ანგარიშის აქტიური პერიოდის განმავლობაში და თქვენი ანგარიშის დახურვიდან ხუთი (5) წლის განმავლობაში, მონაცემთა შენახვის გლობალური ინდუსტრიის სტანდარტების შესაბამისად. თქვენ ასევე გვაძლევთ უფლებას, ჩავატაროთ საჭირო გამოძიება პირდაპირ ან მესამე მხარის მეშვეობით, რათა გადამოწმდეს თქვენი ვინაობა Bitnet-ის ან/და თქვენს დასაცავად ფინანსური დანაშაულებისგან, როგორიცაა თაღლითობა და სხვა. ინფორმაცია, რომელსაც ჩვენ ვითხოვთ თქვენი პიროვნების დასადასტურებლად, შეიძლება შეიცავდეს, მაგრამ არ შემოიფარგლება ამით, თქვენს სახელს, ელფოსტის მისამართს, საკონტაქტო ინფორმაციას, ტელეფონის ნომერს, მომხმარებლის სახელს, მთავრობის მიერ გაცემულ პირადობის მოწმობას, დაბადების თარიღს და სხვა ინფორმაციას, რომელიც შეგროვდა ანგარიშის რეგისტრაციისას. საჭირო ინფორმაციის მოწოდებისას, თქვენ ადასტურებთ, რომ ეს არის ჭეშმარიტი და ზუსტი. რეგისტრაციის შემდეგ, თქვენ უნდა დარწმუნდეთ, რომ ინფორმაცია არის ჭეშმარიტი, სრული და დროულად განახლებული. თუ არსებობს რაიმე ეჭვის საფუძველი, რომ თქვენს მიერ მოწოდებული ინფორმაცია არის არასწორი, მცდარი, მოძველებული ან არასრული, Bitnet იტოვებს უფლებას გამოგიგზავნოთ შეტყობინება, რომ მოვითხოვოთ შესწორება. თუ ჩვენ ვერ მოვახერხეთ თქვენთან დაკავშირებას თქვენს მიერ მოწოდებული საკონტაქტო ინფორმაციის საშუალებით, თქვენ სრული პასუხისმგებლობა გეკისრებათ ნებისმიერ დანაკარგზე ან ხარჯზე, რომელიც გამოწვეულია თქვენ მიერ Bitnet-ის სერვისების გამოყენებისას. თქვენ ამით აღიარებთ და ეთანხმებით, რომ თქვენ გაქვთ ვალდებულება განაახლოთ ყველა ინფორმაცია, თუ რაიმე ცვლილების შემთხვევაში. ანგარიშის დარეგისტრირებისას, თქვენ ამით გვაძლევთ უფლებამოსილებას, ჩავატაროთ გამოძიება, რომლითაც დაგიცავთ თქვენ ან/და სხვა მომხმარებლებს თაღლითობისგან ან სხვა ფინანსური დანაშაულებისაგან და ასეთი გამოძიების შედეგებზე დაფუძნებული აუცილებელი მოქმედებების განსახორციელებლად. თქვენ ასევე აცნობიერებთ და ეთანხმებით, რომ თქვენი პერსონალური ინფორმაცია შეიძლება გამჟღავნდეს საკრედიტო ბიუროებსა და სააგენტოებს თაღლითობის პრევენციის ან ფინანსური დანაშაულის პრევენციის მიზნით.
3.4. ანგარიშის გამოყენების მოთხოვნები
Bitnet-ის ანგარიშის გამოყენება შეუძლია მხოლოდ ანგარიშის რეგისტრატორს/მომხმარებელს. Bitnet იტოვებს უფლებას შეაჩეროს, გაყინოს ან გააუქმოს Bitnet-ის ანგარიშების გამოყენება სხვა პირების მიერ, გარდა ანგარიშის რეგისტრატორისა. თუ ეჭვი გეპარებათ ან შეიტყობთ თქვენი მომხმარებლის სახელისა და პაროლის არაავტორიზებული გამოყენების შესახებ, დაუყოვნებლივ უნდა აცნობოთ Bitnet-ს. Bitnet არ იღებს პასუხისმგებლობას თქვენს მიერ ან რომელიმე მესამე მხარის მიერ თქვენი ავტორიზაციით ან მის გარეშე Bitnet-ის ანგარიშის გამოყენების შედეგად წარმოშობილ დანაკარგზე ან ზარალზე.
3.5. ანგარიშის უსაფრთხოება
Bitnet მოწოდებულია შეინარჩუნოს მომხმარებლის მიერ მიწოდებული ინფორმაციისა და ფინანსების უსაფრთხოება და დანერგოს ინდუსტრიის სტანდარტების დაცვა Bitnet სერვისებისთვის. თუმცა, ინდივიდუალური მომხმარებლების ქმედებებმა შეიძლება გამოიწვიოს რისკები. თქვენ თანახმა ხართ, რომ თქვენი წვდომის იდენტიფიკატორები (როგორიცაა მომხმარებლის სახელი და პაროლი) კონფიდენციალურ ინფორმაციად მიიჩნიოთ და არ გაუმჟღავნოთ ასეთი ინფორმაცია მესამე მხარეს. თქვენ ასევე თანახმა ხართ იყოთ პასუხისმგებელი უსაფრთხოების აუცილებელი ზომების მიღებაზე თქვენი Bitnet-ის ანგარიშისა და პირადი ინფორმაციის დასაცავად.
თქვენ უნდა იყოთ პასუხისმგებელი თქვენი Bitnet-ის ანგარიშის მომხმარებლის სახელისა და პაროლის დაცვაზე და თქვენი Bitnet ანგარიშის ყველა ტრანზაქციაზე. Bitnet არ იღებს პასუხისმგებლობას თქვენი ანგარიშის იდენტიფიკატორების ავტორიზებული ან არაავტორიზებული გამოყენებით გამოწვეულ დანაკარგებზე ან შედეგებზე, მათ შორის, მაგრამ არ შემოიფარგლება მხოლოდ ინფორმაციის გამჟღავნებაზე, ინფორმაციის გავრცელებაზე, თანხმობაზე ან სხვადასხვა წესებისა და პირობების წარდგენაზე ვებსაიტზე დაწკაპუნებით, ონლაინ ხელშეკრულების განახლებით და ა.შ.
3.6. Bitnet ანგარიშის შექმნით თქვენ ეთანხმებით, რომ:
(1) თქვენ დაუყოვნებლივ შეატყობინებთ Bitnet-ს, თუ გეცოდინებათ თქვენი Bitnet-ის ანგარიშის და პაროლის არაავტორიზებული გამოყენების ან უსაფრთხოების წესების ან სხვა დარღვევის შესახებ;
(2) თქვენ მკაცრად დაიცავთ Bitnet-ის ყველა მექანიზმსა თუ პროცედურას უსაფრთხოების, ავთენტიფიკაციის, ვაჭრობის, დარიცხვისა და გატანის შესახებ.
4. Bitnet-ის სერვისები
თქვენი Bitnet ანგარიშის რეგისტრაციისა და პიროვნების დადასტურების დასრულების შემდეგ, შეგიძლიათ გამოიყენოთ Bitnet-ის სხვადასხვა სერვისები, მათ შორის, მაგრამ არ შემოიფარგლება ვირტუალური აქტივის ურთერთგადაცვლით ფულად სახსრებში, ვირტუალური აქტივის ურთიერტგადაცვლით ვირტუალურ აქტივში, ვირტუალური აქტივის პირველადი შეთავაზება, ფულადი სახსრებით ვირტუალური აქტივის შეძენა, ვირტუალური აქტივის შენახვა/ადმინისტრირება.
4.1. Bitnet-ს უფლება აქვს:
(1) უზრუნველყოს, შეცვალოს ან შეწყვიტოს, თავისი შეხედულებისამებრ, ნებისმიერი Bitnet სერვისი; და
(2) დაუშვას ან აკრძალოს ზოგიერთი მომხმარებლის მიერ Bitnet სერვისის გამოყენება Bitnet პლატფორმის წესების შესაბამისად.
Bitnet-ს აქვს ექსკლუზიური უფლებამოსილება, განსაზღვროს რომელი ვირტუალური აქტივებია ჩამოთვლილი პლატფორმაზე და შეუძლია დროდადრო დაამატოს ან ამოიღოს ვირტუალური აქტივები პლატფორმიდან თავისი შეხედულებისამებრ. Bitnet-ს შეუძლია ასევე შეცვალოს შეკვეთის ზომა, რომელიც ხელმისაწვდომია თითოეული ციფრული აქტივისთვის. ასეთ დამატებებთან, ამოღებებთან ან შესწორებებთან დაკავშირებით, Bitnet-ს შეუძლია, მაგრამ არ არის ვალდებული, წინასწარ აცნობოს მომხმარებლებს და Bitnet არ იქნება პასუხისმგებელი მომხმარებლების წინაშე ასეთ დამატებებთან, ამოღებებთან ან შესწორებებთან დაკავშირებით.
4.2. როდესაც იყენებთ Bitnet სერვისებს, თქვენ ეთანხმებით და იღებთ ვალდებულებას, დაიცვათ შემდეგი დებულებები:
Bitnet-ის სერვისებით სარგებლობისას, თქვენ მიერ განხორციელებული ყველა აქტივობა უნდა შეესაბამებოდეს მოქმედი კანონებისა და რეგულაციების მოთხოვნებს, წინამდებარე პირობებს და Bitnet-ის სხვადასხვა სახელმძღვანელო მითითებებს;
თქვენ მიერ Bitnet სერვისების გამოყენება არ უნდა არღვევდეს საჯარო ინტერესებს, საზოგადოებრივ მორალს ან სხვათა ლეგიტიმურ ინტერესებს, მათ შორის ქმედებებს, რომლებიც ხელს უშლის, უარყოფითად იმოქმედებს ან აკრძალავს სხვა მომხმარებლებს Bitnet სერვისების გამოყენებაში.
4.3. Bitnet-ის წერილობითი თანხმობის გარეშე, Bitnet მონაცემების შემდეგი კომერციული გამოყენება აკრძალულია:
(1) სავაჭრო სერვისები, რომლებიც იყენებენ Bitnet-ის შეთავაზებებს;
(2) მონაცემთა მიწოდების ან სტრიმინგის სერვისები, რომლებიც იყენებენ Bitnet-ის ბაზრის ნებისმიერ მონაცემს.
(3) ნებისმიერი სხვა ვებსაიტი/აპი/სერვისი, რომელიც იხდის ან სხვაგვარ სარგებელს იღებს (მათ შორის, რეკლამის ან რეფერალური გადასახადების მეშვეობით) საბაზრო მონაცემებით, რომლებიც მიღებულია Bitnet-გან.
გარდა ამისა, Bitnet-ის წინასწარი წერილობითი თანხმობის გარეშე, თქვენ არ შეგიძლიათ შეცვალოთ, გაიმეოროთ, დააკოპიროთ, ჩამოტვირთოთ, შეინახოთ, გავრცელება, გადაცემა, დაშლა, მაუწყებლობა, გამოქვეყნება, წაშლა ან შეცვალოთ საავტორო უფლებების შესახებ განცხადება ან ეტიკეტი, ან ლიცენზია, ქველიცენზია.
4.4. თქვენ არ შეგიძლიათ:
(1) ისარგებლოთ Bitnet-ის სერვისებით ავტორიზაციის გარეშე, ან დაუკავშირდეთ Bitnet სერვისებს ან Bitnet-ის ნებისმიერ სერვერს, ან Bitnet სერვისის ნებისმიერ სხვა სისტემას ან ქსელს, რომელიც მოწოდებულია სერვისების მეშვეობით ჰაკერების, პაროლის მოპოვების ან სხვა უკანონო ან აკრძალული გზით;
(2) შეცვალოთ ძიება, თვალყური ადევნოთ ან შეეცადოთ თვალყური ადევნოთ Bitnet სერვისების ნებისმიერი სხვა მომხმარებლის ან ვიზიტორების ინფორმაციას;
(3) მიიღოთ ისეთი სერვისი, რომელიც აწესებს არაგონივრულ ან არაპროპორციულად დიდ დატვირთვას Bitnet-ის სერვისის ან Bitnet-ის სისტემების ან ქსელების ინფრასტრუქტურაზე, ან Bitnet სერვისებთან დაკავშირებული ნებისმიერი სისტემის ან ქსელის ინფრასტრუქტურაზე;
(4) გამოიყენოთ ისეთი მოწყობილობა, პროგრამული უზრუნველყოფა ან რუტინული პროგრამა, რათა ხელი შეუშალოთ Bitnet სერვისების ნორმალურ ფუნქციონირებას ან Bitnet სერვისების ნებისმიერ ტრანზაქციას, ან სხვა პირის მიერ Bitnet სერვისების გამოყენებას;
(7) გააყალბოთ იდენტიფიკატორები ან განახორციელოთ სხვაგვარა მანიპულირება, რათა შენიღბოთ თქვენი ვინაობა ან ნებისმიერი შეტყობინებები ან გადაცემები, რომლებსაც უგზავნით Bitnet-ს, ან
(8) გამოიყენოთ Bitnet-ის სერვისები უკანონო გზით.
Bitnet-ის სერვისებზე წვდომით თქვენ ეთანხმებით, რომ Bitnet-ს უფლება აქვს გამოიძიოს წინამდებარე პირობების ნებისმიერი დარღვევა, ცალმხრივად განსაზღვროს, დაარღვიეთ თუ არა ეს პირობები და განახორციელოს ზომები რეგულაციების შესაბამისად თქვენი თანხმობის ან წინასწარი შეტყობინების გარეშე. ასეთი ქმედებების მაგალითები მოიცავს, მაგრამ არ შემოიფარგლება მხოლოდ:
- ტრანზაქციის მოთხოვნების დაბლოკვა და დახურვა;
- თქვენი ანგარიშის გაყინვა;
- ინციდენტის შეტყობინება შესაბამისი სამართალდამცავი სტრუქტურისთვის (ხელისუფლებისთვის);
- სავარაუდო დარღვევებისა და განხორციელებული ქმედებების გამოქვეყნება;
- თქვენ მიერ გამოქვეყნებული ნებისმიერი ინფორმაციის წაშლა, რომელიც მიჩნეულ იქნება დარღვევად.
5. პირადი ანგარიშის დახურვა
5.1. თუ Bitnet თვლის, რომ მომხმარებელმა პირადი ანგარიში უნდა დახუროს, მომხმარებელს გაეგზავნება მოთხოვნა, რომელშიც მითითებული იქნება პერიოდი, რომლის განმავლობაშიც მომხმარებელს მოეთხოვება პირადი ანგარიშის დახურვა. თუ აღნიშნული პერიოდის გასვლის შემდეგ მომხმარებელი არ დახურავს პირად ანგარიშს, Bitnet-ს უფლება აქვს აღარ მიიღოს ოპერაციები პირად ანგარიშზე (ისეთი ოპერაციების გარდა, რომლებიც აუცილებელია პირად ანგარიშზე რიცხული მიმდინარე დავალიანების დასაფარად) და დაუბრუნოს ან/და არ დაუბრუნოს მომხმარებელს პირად ანგარიშზე რიცხული ნაშთი. Bitnet-ს ასევე შეუძლია მომხმარებლის პირადი ანგარიშის დახურვა ან მასზე ოპერაციების დაბლოკვა/შეჩერება, იმ შემთხვევაში თუ მომხმარებელი უარს აცხადებს დამატებითი ინფორმაციის მოწოდებაზე Bitnet-თვის, რომელიც დაკავშირებულია ფულის გათეთრების წინააღმდეგ ბრძოლასთან და მის აღკვეთასთან ან ნებისმიერ სხვა მიზნებთან. პირადი ანგარიშის დახურვა ან მასზე ოპერაციების დაბლოკვა/შეჩერება ასევე გამოიწვევს Bitnet-ის ანგარიშის დახურვას და მასზე ოპერაციების დაბლოკვას/შეჩერებას, რაზეც მომხმარებელი აცხადებს უპირობო თანხმობას;
5.2. მომხმარებელი უფლებამოსილია დახუროს მისი პირადი ანგარიში ნებისმიერ დროს, მაგრამ მიმდინარე დავალიანების დაფარვის შემდგომ (ასეთის არსებობის შემთხვევაში) და Bitnet-თან სამართლებრივი ურთიერთობის დასრულებისას მომსახურების პირობების შესაბამისად;
5.3. მომხმარებლის Bitnet-ში არსებული ყველა პირადი ანგარიშის დახურვის შემთხვევაში Bitnet უფლებამოსილია მომხმარებელს გამოურთოს ყველა ტიპის დისტანციური მომსახურება;
5.4. პირადი ანგარიშის დახურვის მომენტში (მიმდინარე დავალიანების არქონის შემთხვევაში) მასზე ნაშთის არსებობის შემთხვევაში, Bitnet საშუალებას იძლევა რომ მომხმარებელმა გამოიტანოს მისი კუთვნილი თანხები გონივრულ ვადაში, რა პერიოდშიც მომხმარებელს უფლება ექნება ისარგებლოს მისი პირადი ანგარიშით მხოლოდ პირად ანგარიშზე დარჩენილი ნაშთის გამოტანის მიზნით. მომხმარებლის მისამართის განახლება წარმოადგენს მომხმარებლის ვალდებულებას და შესაბამისად Bitnet არ იქნება პასუხისმგებელი იმ დანაკარგზე, რომელიც მომხმარებელს შესაძლებელია მიადგეს აღნიშნული ვალდებულების შეუსრულებლობით;
5.5. მომხმარებლის მიერ მისი პირადი ანგარიშის დახურვით Bitnet-თან არსებული მომხმარებლის პირადი მონაცემები არ გაუქმდება და Bitnet გააგრძელებს ასეთი ინფორმაციის, მათ შორის ამონაწერის, შენახვას კანონმდებლობით და Bitnet-ის შიდა პოლიტიკითა და პროცედურებით გათვალისწინებული ვადით, არანაკლებ 5 წლის ვადით.
6. პირადი ანგარიშის შევსება
6.1. მომხმარებელს შეუძლია მისი პირადი ვირტუალური აქტივის ანგარიშის შევსება ვირტუალური აქტივით.
7. თანხის მიღება
7.1. მომხმარებელს შეუძლია მისი პირადი ანგარიშის საშუალებით ფულადი სახსრების მიღება (მათ შორის უცხოური ვალუტის) Bitnet ანგარიშის გამოყენებით Bitnet ანგარიშით სარგებლობის პირობების შესაბამისად.
8. ავტომატური შევსების მომსახურება
8.1. მომხმარებელს შეუძლია მისი პირადი ანგარიშის ავტომატურად შევსება ფულადი სახსრებით (მათ შორის უცხოური ვალუტით) Bitnet ანგარიშის ავტომატურად შევსებით Bitnet ანგარიშით სარგებლობის პირობების შესაბამისად.
9. აკრძალული ოპერაციები
9.1. Bitnet კრძალავს Bitnet-ის სერვისების მეშვეობით განხორციელდეს შემდეგ პროდუქტებთან დაკავშირებული ოპერაციები:
- ნარკოტიკული, ან ნარკოტიკებთან დაკავშირებული ნივთიერები;
- ცეცხლსასროლი იარაღები, ან საბრძოლო მასალბი;
- საკაბელო და სატელიტური ტელევიზიების სიგნალის ჩამხშობი მოწყობილობები;
- პორნოგრაფიული მასალა;
- ლატარიასა და აზარტულ თამაშობებთან დაკავშირებული მომსახურება და სხვა კანონით აკრძალული მომსახურებები;
- კომპანიას უფლება აქვს საკუთარი შეხედულებისამებრ დაამატოს აღნიშნულ ჩამონათვალს აკრძალული ტრანზაქციები.
- საქართველოს კანონმდებლობით რაიმე სახით აკრძალული პროდუქციის ან/და მომსახურების გაწევა/მიღებასთან პირდაპირ ან ირიბად დაკავშირებული ოპერაციები.
Bitnet უფლებამოსილია ნებისმიერ დროს შეაჩეროს, ან შეწყვიტოს მომხმარებლის პირადი ანგარიშის მოქმედება, უარი თქვას ოპერაციის შესრულებაზე, ან უკან გამოითხოვოს განხორციელებული ოპერაცია იმ შემთხვევაში, თუ Bitnet-ის ანალიზით მომხმარებელი პირდაპირ ან არაპირდაპირ იყენებს ან უკვე გამოიყენა მისი პირადი ანგარიში უკანონო საქმიანობაში ან მასთან დაკავშირებულ მოქმედებებში ოპერაციის განსახორციელებლად. Bitnet ასევე უფლებამოსილია ამის შესახებ შეატყობინოს შესაბამის სამართალდამცავ ორგანოებს.
9.2. მომხმარებელი არ არის უფლებამოსილი გახსნას ან ისარგებლოს პირადი ანგარიშით იმ შემთხვევაში, თუ მომხმარებელი ცხოვრობს ერთ-ერთ ქვეყანაში, რომელთან საქმიანი ურთიერთობის დამყარებაც აკრძალულია საქართველოს კანონმდებლობის ან/და Bitnet შიდა პოლიტიკისა და პროცედურის საფუძველზე.
აღნიშნული ჩამონათვალი არ არის ამომწურავი და Bitnet-ს უფლება აქვს ცალმხრივად ნებისმიერ დროს და წინასწარი შეტყობინების გარეშე მიიღოს გადაწყვეტილება სხვა ქვეყნებში მომსახურებების შეწყვეტის ან შეზღუდვის შესახებ. Bitnet უფლებას იტოვებს, ნებისმიერ დროს შეაჩეროს ან შეწყვიტოს მომხმარებლის პირადი ანგარიშის მოქმედება იმ შემთხვევაში, თუ არსებობს გონივრული რწმენა/ეჭვი, რომ აღნიშნული ქმედების განხორციელებას Bitnet-ს ავალდებულებს კანონი, მთავრობის ან უფლებამოსილი ორგანოს მიერ მიღებული რეკომენდაცია, რომელიც მიზანად ისახავს ფინანსური დანაშაულის თავიდან აცილებას;
9.3. მომხმარებელს მკაცრად ეკრძალება მისი პირადი ანგარიშის გამოყენება ნებისმიერი უკანონო მიზნის მისაღწევად, რაც შეზღუდვის გარეშე მოიცავს თაღლითობასა და ფულის გათეთრებას. ნებისმიერი ქმედება, რომელსაც Bitnet მიიჩნევს საეჭვოდ, მიმართული იქნება სამართალდამცავი ორგანოებისკენ. მომხმარებელს ეკრძალება მისი პირადი ანგარიშის გამოყენება ბოროტი განზარახვით, იმ მიზნით, რომ გვერდი აუაროს პირადი ანგარიშის მოხმარების წესებზე არსებულ შეზღუდვებს, რომლებიც დაწესებულია მერჩანტის მიერ მის მიერ მოწოდებულ მომსახურებაზე;
9.4. იმ შემთხვევაში, თუ მომხმარებელი განახორციელებს, ან შეეცდება განახორციელოს ოპერაცია მე-9 მუხლში მითითებული ამკრძალავი დებულებების დარღვევით Bitnet უფლებას იტოვებს:
- უკან გამოითხოვოს განხორციელებული ოპერაცია, ან/და;
- დახუროს ან შეაჩეროს მომხმარებლის პირადი ანგარიშის ოპერაცია; ან/და
- აცნობოს სამართალდამცავ ორგანოებს განხორციელებული ოპერაციის შესახებ;
- მოითხოვოს მომხმარებლისგან მიყენებული ზიანის ანაზღაურება;
- განახორციელოს სხვა ღონისძიება.
9.5. საქონლისა და მომსახურების გაყიდვის ან მიწოდების სანაცვლოდ მომხმარებლის მიერ განხორციელებული ან მიღებული ოპერაციის კანონთან შესაბამისობის დადგენა არის მომხმარებლის და არა Bitnet-ის პასუხისმგებლობა. ფაქტი, რომ ფიზიკურმა ან იურიდიულმა პირმა მიიღო Bitnet-ის საშუალებით განხორციელებული ოპერაცია, არ წარმოადგენს იმის მინიშნებას, რომ მათ მიერ მიწოდებული საქონელი ან მომსახურება არის კანონიერი. იმ შემთხვევაში, თუ მომხმარებელს ეჭვი აქვს მიწოდების ან შესყიდვის კანონიერებაზე, მომხმარებელი ვალდებულია შეწყვიტოს ოპერაციის პროცესი.
10. ფულად სახსრებში ურთიერთგადაცვლა
10.1. მომხმარებელს შეუძლია განახორციელოს მისი ვირტუალური აქტივის საფულეზე არსებული ვირტუალური აქტივის ურთიერთგადაცვლა ფულად სახსრებში.
10.2. ფულადი სახსრების მიღება დასაშვებია მომხმარებლის საბანკო ანგარიშზე ან/და Bitnet სალაროდან ნაღდი ანგარიშსწორებით მიღების გზით.
11. მარეგულირებელი კანონმდებლობა და დავების გადაწყვეტის წესი
11.1. წინამდებარე პირობები რეგულირდება და განიმარტება საქართველოს კანონმდებლობის შესაბამისად;
11.2. მხარეთა მიერ, პირობების შესრულების ადგილად მიჩნეულია ქ. თბილისი;
11.3. ამ პირობებთან ან მის ინტერპრეტაციასთან დაკავშირებული ნებისმიერი დავა ან უთანხმოება გადაწყდება მხარეებს შორის მოლაპარაკების გზით;
11.4. თუ მხარეები 30 (ოცდაათი) კალენდარული დღის განმავლობაში შეთანხმებას ვერ მიაღწევენ მოლაპარაკების გზით, ისინი უპირობოდ თანახმა არიან შეიტანონ საჩივარი შესაბამისი იურისდიქციის მქონე საქართველოს სასამართლოში;
11.5. ზემოაღნიშნული მუხლი არ ნიშნავს Bitnet-ის უფლების შეზღუდვას დაიწყოს სასამართლო პროცესი მომხმარებლის წინააღმდეგ ა) შესაბამისი იურისდიქციის მქონე სხვა სასამართლოში ან ბ) შესაბამისი იურისდიქციის მქონე ერთზე მეტ სასამართლოში.
12. კომუნიკაციის წესი
12.1. წინამდებარე პირობებიდან გამომდინარე შეტყობინება მომხმარებელს შესაძლოა გაეგზავნოს:
12.1.1. პირად მისამართზე;
12.1.2. ელექტრონული ფოსტის მისამართზე;
12.1.3. მობილურ ტელეფონზე მოკლე ტექსტური შეტყობინების (SMS) სახით;
12.2. მომხმარებლის მიერ მითითებულ მისამართზე შეტყობინების ჩაბარება შესაძლებელია ყოველდღე ნებისმიერ დროს. შეტყობინება ჩაბარებულად ითვლება იმ შემთხვევაშიც, როდესაც ამ დროს შესაბამის მისამართზე არ იმყოფება არც ერთი პირი ან პირი უარს აცხადებს შეტყობინების ჩაბარებაზე;
12.3. შეტყობინების ჩაბარების მიზნებისათვის უფლებამოსილ პირად ითვლება ნებისმიერი პირი მიუხედავად იმისა, წარმოადგენს ის თუ არა უშუალოდ მომხმარებელს ან მისი ოჯახის წევრს. ამ პირისთვის შეტყობინების გადაცემა ითვლება მომხმარებლისთვის შეტყობინების ჩაბარებად;
12.4. მომხმარებელი, ყოველდღე, ნებისმიერ დროს, უზრუნველყოფს ელექტრონული ფოსტითა და მობილური ტელეფონის საშუალებით შეტყობინების მიღების შესაძლებლობას. შესაბამისად, ამ დროის განმავლობაში გაგზავნილი შეტყობინება ჩაბარებულად ითვლება გაგზავნის მომენტიდან;
12.5. ამ მუხლის პირველი პუნქტით გათვალისწინებულ საშუალებებს შორის არჩევის უფლება აქვს Bitnet-ს. Bitnet უფლებამოსილია შეტყობინების გაგზავნისათვის გამოიყენოს ერთ-ერთი, რამდენიმე ან ყველა საშუალება. ამასთან, ერთ-ერთი საშუალების გამოყენებით შეტყობინების ჩაბარება საკმარისია შესაბამისი სამართლებრივი შედეგის დადგომისათვის და მომხმარებელი არ არის უფლებამოსილი დაეყრდნოს იმ ფაქტს, რომ Bitnet-მა ჩაბარების მცდელობა არ განახორციელა რამდენჯერმე ან რამდენიმე თუ ყველა საშუალებით;
12.6. მომხმარებელი ადასტურებს, რომ თანახმაა Bitnet-თან ელექტრონული ფორმით ხელშეკრულების დადების შემდგომ მიიღოს ანგარიშსწორება და მიმოწერა ელექტრონულად, დოკუმენტაციაზე პირდაპირი მექანიკური გზით ხელმოწერის გარეშე. მომხმარებელი ინფორმირებულია, რომ Bitnet-ის მიერ წარდგენილი ანგარიში ატარებს საინფორმაციო ხასიათს და მისი მიუღებლობა არ გულისხმობს მიმდინარე დავალიანების, გადასახდელი საკომისიოს ან ნებისმიერი სხვა ფულადი ვალდებულების გადაუხდელობას;
12.7. თუ იცვლება მომხმარებლის მიერ მითითებული ანგარიში ან ხელშეკრულებაში მითითებული ნებისმიერი ინფორმაცია, მათ შორის საკონტაქტო მონაცემები, მომხმარებელი ვალდებულია დაუყოვნებლივ აცნობოს ამის შესახებ Bitnet-ს და მიაწოდოს ყველა შეცვლილი ინფორმაცია. საკონტაქტო მონაცემების ცვლილების შესახებ ინფორმაციის მიუწოდებლობის შემთხვევაში ამ პირობებით გათვალისწინებულ მომხმარებლის საკონტაქტო მონაცემებზე გაგზავნილი შეტყობინება ჩაითვლება მომხმარებლის მიერ მიღებულად;
12.8. ამ მუხლის მეექვსე პუნქტით გათვალისწინებული, ასევე სხვა ნებისმიერი შეტყობინება Bitnet-ის მიერ მიღებულად ჩაითვლება, თუ ის შედგენილია წერილობით და ბარდება Bitnet-ის მისამართზე;
12.9. თუ Bitnet-მა მომხმარებელს მის მიერ მითითებულ მისამართზე გაუგზავნა წერილობითი შეტყობინებები ნებისმიერი გადასახდელების, მათ შორის მიმდინარე დავალიანების შესახებ ან ხელშეკრულებიდან გამომდინარე სხვა შეკვეთილი წერილები, მას აქვს უფლება მოითხოვოს მომხმარებლისგან გაწეული ხარჯების ანაზღაურება;
12.10. მომხმარებლისგან წერილობითი ან ელექტრონული ფორმით მიღებულ ნებისმიერ შეტყობინებაზე Bitnet ვალდებულია გასცეს პასუხი მოთხოვნის მიღებიდან არაუმეტეს 10 (ათი) სამუშაო დღის ვადაში;
12.11. მომხმარებელი უფლებამოსილია მოითხოვოს წინამდებრე პირობების და ხელშეკრულების ეგზემპლარი, რისთვისაც მომხმარებელმა უნდა მიმართოს Bitnet-ის მომხმარებელთა მომსახურების ცენტრს.
13. პრეტენზიები
13.1. ნებიმისერი სახის პრეტენზია, რაც უკავშირდება Bitnet-ის ან მის მიერ შემოთავაზებულ მომსახურებას, თავდაპირველად განსახილველად წარმოდგენილ უნდა იქნეს Bitnet-ის მომხმარებელთა მომსახურების ცენტრში მომხმარებლის მიერ. მომხმარებელი ვალდებულია გარკვევით მიუთითოს, რომ სურვილი აქვს მიმართოს Bitnet-ს პრეტენზიით. აღნიშნული Bitnet-ს შესაძლებლობას აძლევს, ერთმანეთისაგან განასხვაოს პრეტენზია და უბრალო შეკითხვა. Bitnet-ის მომხმარებელს დაუდასტურებს პრეტენზიის მიღებას 10 (ათი) სამუშაო დღის განმავლობაში. მომხმარებელი უფლებამოსილია ნებისმიერ დროს მოითხოვოს პრეტენზიებისთვის დადგენილი პროცედურის ეგზემპლარი (ასეთის არსებობის შემთხვევაში).
14. ზარალის ანაზღაურება და პასუხისმგებლობის შეზღუდვა
14.1. იმის გათვალისწინებით, რომ Bitnet მოქმედებს მომხმარებლის დავალებით, მომსახურებების გაწევისას მომხმარებელი აცხადებს თანხმობას იმის შესახებ, რომ აუნაზღაურებს და დაიცავს Bitnet-ს ზიანისგან, ზარალისგან, სასამართლო ხარჯებისგან, მომხმარებლის ან მესამე მხარის მიერ წამოწყებული საჩივრისგან, ქმედებისგან ან სასამართლოში წარდგენილი საჩივრისგან, რომლის შედეგადაც Bitnet-ს მიადგა ზიანი ან ზარალი. ასევე მომხმარებელი აუნაზღაურებს და დაიცავს Bitnet-ს ისეთი ზიანისაგან, რომელიც წარმოიშვა პირობებით გათვალისწინებული მომსახურებების გამოყენების შედეგად (ყოველგვარი შეზღუდვის გარეშე მოიცავს დისტანციურ მომსახურებებს), ან ისეთი ზიანისაგან, რომელიც წარმოიქმნა ამგვარი მომსახურებების (ყოველგვარი შეზღუდვის გარეშე მოიცავს დისტანციურ მომსახურებებს) მეშვეობით განხორციელებული ოპერაციის შედეგად; მომხმარებელი აღიარებს, რომ აღნიშნული ოპერაციები განხორციელდება Bitnet-ის მიერ მიღებული დავალებებისა და ავტორიზაციის შესაბამისად ამ პირობების მიხედვით და სხვა შესაბამისი განსაკუთრებული პირობების, ხელშეკრულებების, კონტრაქტების ან მსგავსი ინსტრუმენტების მიხედვით. მომხმარებელი აგრეთვე აცხადებს თანხმობას და ადასტურებს, რომ ზარალის ანაზღაურების პირობები ძალაში დარჩება და მომხმარებლისთვის მავალდებულებელი იურიდიული ძალა ექნება იმ შემთხვევაშიც კი, თუ მოხდება აღნიშნული მომსახურებების ნაწილობრივ ან მთლიანად გაუქმება;
14.2. მომხმარებელი აცხადებს და თანახმაა, რომ მას შესაძლოა მოუწიოს ზარალის ანაზღაურების შესახებ დამატებითი ხელშეკრულებების, განცხადებების ან სხვა მსგავს დოკუმენტზე ხელმოწერა და მათი/მისი შესრულება, განსაკუთრებით კი ისეთ ოპერაციებთან დაკავშირებით, რომლებიც წვდომის კოდ(ებ)ის გამოყენებით განხორციელდა. ამგვარი დამატებითი ხელშეკრულებები, განცხადებები და მსგავსი საშუალებები დაემატება და არ გამორიცხავს აქ მოყვანილ პირობებს ზარალის ანაზღაურების შესახებ;
14.3. ამ პირობების დებულებების მიუხედავად, Bitnet არ იქნება პასუხისმგებელი მომხმარებლის წინაშე ისეთ ზარალზე ან ზიანზე, რომელიც პირდაპირ ან არაპირდაპირ წარმოიშვა წინამდებარე პირობებთან დაკავშირებით. ზემოაღნიშნულის მიუხედავად, Bitnet გამორიცხავს ნებისმიერ პასუხისმგებლობას ზარალზე ან ზიანზე, მოგების, ბიზნესის, შემოსავლის ან დაგეგმილი დანაზოგების დაკარგვაზე, რომელიც დაკავშირებულია საბანკო მომსახურებებთან;
14.4. ამ მუხლში აღნიშნული პირობები ძალაში დარჩება ხელშეკრულებით განსაზღვრული მომსახურებების შეწყვეტის შემთხვევაშიც, სანამ მხარეები ერთმანეთის წინაშე ბოლომდე არ შეასრულებენ ხელშეკრულებიდან და პირობებიდან წარმოშობილ ვალდებულებებს.
15. გადასახადები
15.1. მომხმარებელი თავად არის პასუხისმგებელი სახელმწიფო თუ სხვა ორგანოსთვის საგადასახადო განაცხადის შეტანაზე ამ პირობების შესაბამისად. მომხმარებელი აგრეთვე თავად არის პასუხისმგებელი გადაიხადოს ნებისმიერი გადაუხდელი გადასახადი (ყოველგვარი შეზღუდვის გარეშე მოიცავს დამატებული ღირებულების გადასახადს), ბეგარა, საბაჟო გადასახადი, რომელიც შეიძლება დაწესდეს ნებისმიერ ვალდებულებაზე, რომელიც შეიძლება წარმოიშვას პირადი ანგარიშ(ებ)ის მართვასთან ან წინამდებარე პირობებით განსაზღვრული ნებისმიერი ან ყველა მომსახურებასთან მიმართებით (ერთად – „საგადასახადო ვალდებულება"); Bitnet არ ასრულებს ან შეასრულებს მომხმარებლის ფისკალური აგენტის როლს და, შესაბამისად, არ არის ვალდებული და არც დააკავებს წყაროსთან გადახდის მიზნით მომხმარებლის მიერ გადასახდელ ნებისმიერ გადასახადს, ვინაიდან მომხმარებელი თავად არის პასუხისმგებელი მომხმარებლის წინაშე ამ პირობებიდან წარმოშობილ ნებისმიერ საგადასახადო ვალდებულებებზე; თუ კანონის შესაბამისად Bitnet-ს ეკისრება რაიმე გადასახადი ან ჯარიმა მომხმარებლის საგადასახადო ვალდებულების გამო, მომხმარებელი დაუყოვნებლივ აუნაზღაურებს Bitnet-ს ყველა ამგვარ ვალდებულებას.
15.2. Bitnet ვალდებულია შესაბამისობაში იყოს მხოლოდ საქართველოს კანონმდებლობითა და საგადასახადო კოდექსით გათვალისწინებულ მოთხოვნებთან. საქართველოს კანონმდებლობასთან ერთად მომხმარებელმა უნდა დააკმაყოფილოს სხვა შესაბამისი ქვეყნის საკანონმდებლო მოთხოვნები (მოიცავს იმ ქვეყნის კანონმდებლობას, რომლის მოქალაქეც არის მომხმარებელი ან რომელ ქვეყანაშიც ცხოვრობს).
16. ფულის გათეთრების საწინააღმდეგო და დანაშაულის აღმკვეთი ღონისძიებები
16.1. მომხმარებელი აღიარებს, რომ Bitnet-ის საქმიანობა რეგულირდება საქართველოს კანონებით ფულის გათეთრებისა და მსგავსი დანაშაულის აღკვეთის შესახებ. აქედან გამომდინარე, Bitnet კანონის შესაბამისად ვალდებულნი არიან მოახდინონ მომხმარებლის პიროვნების და მისი შემოსავლის წყაროს იდენტიფიცირება, სანამ მომხმარებლის მიერ Bitnet-ში გახსნილი პირადი ანგარიში მოქმედი გახდება. თუ მომხმარებელი არ გასცემს პასუხს განაცხადში მოცემულ ყველა კითხვას ან არ მიაწვდის Bitnet-ს ყველა სახის მოთხოვნილ ინფორმაციას, Bitnet-მა შესაძლოა ვერ მიიღოს მომხმარებლის განაცხადი მომსახურების შესახებ;
16.2. ამ პირობების თანახმად მომხმარებელი უპირობოდ აცხადებს თანხმობას, რომ Bitnet-ს მიაწოდოს ინფორმაცია მომხმარებლის შესახებ. ამგვარი ინფორმაცია ყოველგვარი შეზღუდვის გარეშე მოიცავს იმ პირების სახელებსა და პირადობის დამადასტურებელ მონაცემებს, რომლებთანაც მომხმარებელს ფინანსური კავშირი აქვს;
16.3. განსაკუთრებულ შემთხვევებში, დანაშაულის აღმკვეთი ღონისძიებების შედეგად, შესაძლებელია დაგვიანდეს მომხმარებლის დავალებების განხორციელება ან თანხების მიღება, მაგრამ, თუ შესაძლებელი იქნება, Bitnet-ის მომხმარებელს განუმარტავს დაგვიანების გამომწვევ მიზეზებს;
16.4. ინფორმაციის გადაცემა ფულის გათეთრების საწინააღმდეგო და დანაშაულის აღმკვეთი სამსახურებისთვის არ განიხილება კონფიდენციალობის დარღვევად აქ მოყვანილი დებულებების შესაბამისად; Bitnet არ იქნება ვალდებული მომხმარებლის არანაირ პირდაპირ ან ირიბ ზარალზე (ყოველგვარი შეზღუდვის გარეშე მოიცავს მიუღებელ მოგებას), რომელიც გამოწვეულია ამგვარი კანონმდებლობის დაცვით.
17. არანაირი ფინანსური რჩევა
Bitnet არ არის თქვენი ბროკერი, შუამავალი, აგენტი ან მრჩეველი და არ გააჩნია თქვენს მიმართ ფიდუციალური ურთიერთობა ან ვალდებულება ნებისმიერ ვაჭრობასთან ან სხვა გადაწყვეტილებებთან ან აქტივობებთან დაკავშირებით, რომლებიც განხორციელდა თქვენ მიერ Bitnet-ის სერვისების გამოყენებით. Bitnet-ის მიერ თქვენთვის მოწოდებული არავითარი კომუნიკაცია ან ინფორმაცია არ არის გამიზნული ან განიხილება, როგორც საინვესტიციო რჩევა, ფინანსური რჩევა, სავაჭრო რჩევა ან სხვა სახის რჩევა. თუ წინამდებარე პირობებში სხვა რამ არ არის განსაზღვრული, ყველა გარიგება სრულდება ავტომატურად, პარამეტრის საფუძველზე თქვენი შეკვეთის ინსტრუქციები და გამოქვეყნებული ვაჭრობის შესრულების პროცედურების შესაბამისად, და თქვენ ხართ მხოლოდ პასუხისმგებელი იმის დადგენაზე, არის თუ არა თქვენთვის შესაფერისი რაიმე ინვესტიცია, საინვესტიციო სტრატეგია ან დაკავშირებული ტრანზაქცია თქვენი პირადი საინვესტიციო მიზნების, ფინანსური გარემოებებისა და რისკის შემწყნარებლობის შესაბამისად. თქვენ უნდა მიმართოთ იურიდიულ ან საგადასახადო პროფესიონალებს თქვენს კონკრეტულ სიტუაციასთან დაკავშირებით. Bitnet არ გირჩევთ, რომ რომელიმე ციფრული აქტივი იყიდოთ, გამოიმუშავოთ, გაიყიდოთ ან შეინახოთ. ნებისმიერი ციფრული აქტივის ყიდვის, გაყიდვის ან ფლობის გადაწყვეტილების მიღებამდე, თქვენ შეგიძლიათ ჩაატაროთ საკუთარი სათანადო გამოკვლევა და გაიაროთ კონსულტაცია თქვენს ფინანსურ მრჩევლებთან რაიმე საინვესტიციო გადაწყვეტილების მიღებამდე. Bitnet არ იქნება პასუხისმგებელი იმ გადაწყვეტილებებზე, რომლებსაც მიიღებთ ციფრული აქტივების ყიდვის, გაყიდვის ან შენახვის შესახებ, Bitnet-ის მიერ მოწოდებული ინფორმაციის საფუძველზე.
გადმოწერე ბიტნეტის აპლიკაციადაასკანერე QR კოდიგადმოწერე ბიტნეტის აპლიკაცია iOS და Android მოწყობილობებისთვის
გადმოწერე ბიტნეტის
გადმოწერე ბიტნეტის აპლიკაციაბიტნეტის ყველა სერვისი შენს მობილურში. გადმოწერე უფასოდ და მართე კრიპტო მარტივად
დაასკანერე QR კოდიგადმოწერე ბიტნეტის აპლიკაცია
