კონფიდენციალობის პოლიტიკა27 თებერვალი 2024
კონფიდენციალობის პოლიტიკის ფარგლები
კონფიდენციალობის პოლიტიკა აღწერს შპს „დიჯითალ პლათფორმის“ (ბრენდული სახელწოდებით “Bitnet”) ვებ-გვერდზე ვიზიტორების პერსონალური მონაცემების შეგროვების, შენახვის, გამოყენებისა და დაცვის გზებს, რაც შესაბამისობაშია საქართველოს პერსონალურ მონაცემთა დაცვის შესახებ კანონთან და საერთაშორისო სტანდარტებთან (GDPR) მიმართებაში. ამ პოლიტიკის მიზანია უზრუნველყოს თქვენი პერსონალურ მონაცემთა დაცვა და ჩვენი ვებ-გვერდის სტუმრობის განმავლობაში და შემდგომში, გვსურს თავს კომფორტულად გრძნობდეთ, ასევე თუ როგორ და რა სახის ინფორმაცია შეგროვდება ვებ-გვერდის მომხმარებლებისგან და იმ მიზნების განსასაზღვრად, რომლის მისაღწევადაც Bitnet-მა შესაძლოა შეაგროვოს, გადასცეს ან სხვაგვარად ხელმისაწვდომი გახადოს აღნიშნული მონაცემები. Bitnet ასევე განსაზღვრავს ყველა შესაძლო გონივრულ ზომას, რომელიც თქვენი მონაცემების უსაფრთხოების დასაცავად არის აუცილებელი.
ჩვენი პოლიტიკის ფარგლები ვრცელდება 2 ტიპის სუბიექტზე, რომელთა პერსონალური მონაცემები შეიძლება დამუშავდეს:
- ჩვენი ვებსაიტების ვიზიტორები;
- მოვაჭრეები/მომხმარებლები, რომლებიც დარეგისტრირდებიან ჩვენს სერვისებზე.
ვებგვერდზე შემოსვლით თქვენ ეთანხმებით წინამდებარე კონფიდენციალობის პოლიტიკას (შემდგომში - პოლიტიკა). თუ თქვენ არ ეთანხმებით წინამდებარე პოლიტიკას, არ განაგრძოთ ვებ-გვერდის მომდევნო გვერდებით სარგებლობას.
წინამდებარე პოლიტიკა, შესაძლოა, დროდადრო განახლდეს. აქედან გამომდინარე, გთხოვთ, რომ მას გაეცნოთ რეგულარულად. წინამდებარე პოლიტიკის ბოლო აბზაცი მიანიშნებს იმ თარიღს, თუ როდის მოხდა პოლიტიკის უკანასკნელი განახლება.
წინამდებარე პოლიტიკა ვრცელდება ყველა სახის ინფორმაციაზე, რომელსაც თქვენ მიერ ვებ-გვერდის გამოყენების შედეგად მოიპოვებს Bitnet. პოლიტიკა არ ვრცელდება მესამე პირების იმ ვებ-გვერდებზე, რომლებიც არ არიან Bitnet-თან აფილირებული პირები, მაგრამ შესაძლოა ასეთ ვებ-გვერდებთან კავშირი Bitnet-ის ვებ-გვერდის საშუალებით იყოს შესაძლებელი (შემდგომში - მესამე პირების ვებგვერდები). გთხოვთ, გაეცნოთ ასეთი მესამე პირების ვებგვერდების კონფიდენციალობის პოლიტიკას, თუკი თქვენ მათ ვებგვერდებს იყენებთ, იმდენად, რამდენადაც Bitnet არ არის პასუხისმგებელი და არ აქვს გავლენა არც მესამე პირების ვებ-გვერდების შემცველ მასალებზე და არც მათი კონფიდენციალობის დაცვის პრაქტიკაზე.
წინამდებარე პოლიტიკის პირობები ექვემდებარება, Bitnet-თან თქვენი სახელშეკრულებო ურთიერთობის ფარგლებში გაფორმებულ ნებისმიერ დამატებით განაცხადს ან სახელშეკრულებო პირობას (ასეთის არსებობის შემთხვევაში) და სხვა ნებისმიერ სავალდებულო ძალის მქონე მოქმედ კანონს ან რეგულაციას.
რა არის პერსონალური მონაცემები?
პერსონალური მონაცემი (შემდგომ − მონაცემი) არის ნებისმიერი ინფორმაცია, რომელიც იდენტიფიცირებულ ან იდენტიფიცირებად ფიზიკურ პირს უკავშირდება. ფიზიკური პირი იდენტიფიცირებადია, როდესაც შესაძლებელია მისი იდენტიფიცირება პირდაპირ ან არაპირდაპირ, მათ შორის, სახელით, გვარით, საიდენტიფიკაციო ნომრით, გეოლოკაციის მონაცემებით, ელექტრონული კომუნიკაციის მაიდენტიფიცირებელი მონაცემებით, ფიზიკური, ფიზიოლოგიური, ფსიქიკური, ფსიქოლოგიური, გენეტიკური, ეკონომიკური, კულტურული ან სოციალური მახასიათებლით.
რა სახის პერსონალურ მონაცემებს ვაგროვებთ?
ჩვენ მიერ შეგროვებული პერსონალური მონაცემები დამოკიდებულია მომხმარებლის (მონაცემთა სუბიექტის) ტიპზე:
1. ვიზიტორები: ჩვენ შეგვიძლია შევაგროვოთ შემდეგი პერსონალური მონაცემები ჩვენი ვებსაიტების ვიზიტორებისთვის:
- IP მისამართი
- სახელი (მხარდაჭერის მოთხოვნის გაგზავნისას)
ჩვენ შეიძლება შევაგროვოთ ინფორმაცია ვიზიტორის კომპიუტერის ან სხვა წვდომის მოწყობილობების შესახებ თაღლითობის პრევენციის მიზნით.
2. მოვაჭრეები/მომხმარებლები: ანგარიშის გახსნისას ჩვენ შეგვიძლია შევაგროვოთ ბენეფიციარი მფლობელის ან ნებისმიერი მომხმარებლის პერსონალური მონაცემები, რაც მოიცავს:
- IP მისამართი
- ელფოსტის მისამართი
- მომხმარებლის სახელი და გვარი
- საიდენტიფიკაციო მონაცემები, რომლის შეყვანაც ხორციელდება მომხმარებლის ვებ-გვერდზე რეგისტრაციისას
- ყველა ის ინფორმაცია რასაც გაგვიზიარებთ ჩვენი ვებ-გვერდის მეშვეობით
გარდა ამისა, როდესაც თქვენ სტუმრობთ Bitnet-ის ვებგვერდს, ჩვენი სერვერი ავტომატურად იწერს დეტალებს თქვენი ვიზიტის შესახებ, მაგალითად, ვებგვერდი, რომლიდანაც ჩვენს ვებგვერდს ესტუმრეთ, ვიზიტის დროს გამოყენებული ინტერნეტ-ბრაუზერის ტიპი, მოწყობილობის ტიპი რომელშიც აღნიშნული ბაუზერია განთავსებული, Bitnet-ის ვებგვერდის ის კონკრეტული გვერდები, რომლებსაც ფაქტობრივად ესტუმრეთ და ვებგვერდზე თქვენი სტუმრობის თარიღი და ხანგრძლივობა და სხვა.
რეგისტრაციის პროცესში თქვენ შეგიძლიათ შექმნათ და შეინახოთ, შეცვალოთ ან წაშალოთ პირადი მონაცემები, რომლებსაც მიუთითებთ ვებგვერდზე. ასევე შეგიძლიათ პაროლის შეცვლა ნებისმიერ დროს. უფლებას ვიტოვებთ ჩავიწეროთ ან/და მონიტორინგი გავუწიოთ ჩვენ შორის განხორციელებულ სატელეფონო ზარებს, იმისათვის რომ მოხდეს ინსტრუქციების გადამოწმება და დაზუსტება იმისა, რომ ვაკმაყოფილებთ ჩვენი მომსახურების სტანდარტებს.
რა მიზნით ვაგროვებთ ინფორმაციას?
Bitnet ზემოაღნიშნულ მონაცემებს აგროვებს შემდეგი მიზნით:
- ვებ-გვერდის ტექნიკური ადმინისტრირების და მისი კვლევისა და განვითარების მიზნებისათვის;
- კლიენტისა და მომხმარებლის ადმინისტრირებისა და მარკეტინგული მიზნებისათვის;
- ჩვენი პროდუქტების შესახებ თქვენთვის ინფორმაციის მოსაწოდებლად;
- ტრანზაქციების დამუშავება და თქვენი ტრანზაქციების შესახებ შეტყობინებების გაგზავნისთვის;
- შეთანხმებების აღსრულების მიზნით;
- მომხმარებლებთან ან/და ვიზიტორებთან კომუნიკაციისთვის;
- კანონმდებლობით დადგენილ შემთხვევებში და წესით მარეგულირებლის ან სხვა საზედამხედველო ორგანოსათვის და აუდიტორული კომპანიებისთვის მონაცემების ხელმისაწვდომობისთვის;
- სამართლებრივი და მარეგულირებელი შესაბამისობის შესანარჩუნებლად;
- თაღლითობის ან/და სახსრების დაკარგვის აღმოსაჩენად და თავიდან ასაცილებლად;
- და სხვა ობიექტური მიზეზების შესაბამისად, რაც აუცილებელია მომხმარებლისთვის/ვიზიტორისთვის Bitnet-ის სრულფასოვანი მომსახურების მიწოდებისათვის, კომუნიკაციისა და საქართველოს და საერთაშორისო კანონმდებლობით გათვალიწინებული უფლება-მოვალეობების აღსასრულებლად.
გარდა ამისა, ჩვენ ვაგროვებთ და ვამუშავებთ საიდენტიფიკაციო ინფორმაციას და სენსიტიურ პერსონალურ მონაცემებს, რათა შევასრულოთ ჩვენი „იცნობდე შენს კლიენტს“ (“KYC”) ვალდებულებები მოქმედი კანონებითა და რეგულაციებით და ფულის გათეთრების საწინააღმდეგო კანონებითა და რეგულაციებით ტერორიზმის დაფინანსების აღკვეთის ხელშეწყობის შესახებ კანონით.
მომხმარებლის/ვიზიტორის მონაცემები შესაძლოა დამუშავებულ იქნას სხვა საფუძვლებითაც თუ მომხმარებლის/ვიზიტორი განაცხადებს წერილობით თანხმობას. მონაცემთა სუბიექტს უფლება აქვს, ნებისმიერ დროს, განმარტების გარეშე უარი განაცხადოს ნებისმიერი საფუძვლით მონაცემების დამუშავების შესახებ გაცემულ თანხმობაზე და მოითხოვოს მონაცემთა დამუშავების შეწყვეტა ან/და დამუშავებულ მონაცემთა განადგურება. მონაცემთა დამმუშავებელი ვალდებულია მონაცემთა სუბიექტის მოთხოვნის შესაბამისად შეწყვიტოს მონაცემთა დამუშავება ან/და გაანადგუროს დამუშავებული მონაცემები განცხადების წარდგენიდან 7 (შვიდი) სამუშაო დღის ვადაში, თუ არ არსებობს მონაცემთა დამუშავების სხვა საფუძველი. ამ აბზაცის მოქმედება არ ვრცელდება თუ მონაცემთა შეგროვება ან გამჟღავნება დადგენილია კანონით ან საჭიროა საქართველოს კანონმდებლობით დაკისრებული მოვალეობის შესასრულებლად (პერსონალურ მონაცემთა დაცვის შესახებ კანონის 25-ე მუხლი).
მონაცემების დამუშავების სამართლებრივი საფუძვლები:
ჩვენ ჩვეულებრივ ვამუშავებთ თქვენს მონაცემებს მხოლოდ იქ, სადაც ჩვენ კანონიერად მოგვეთხოვება, სადაც დამუშავება აუცილებელია თქვენთან დადებული ნებისმიერი კონტრაქტის შესასრულებლად (ან თქვენთან ხელშეკრულების დადებამდე თქვენი მოთხოვნის შესაბამისად), სადაც დამუშავება ჩვენს ლეგიტიმურ ინტერესებშია და აუცილებელია კომაპნიის სრულყოფილი ფუნქციონირებისათვის. ჩვენთვის მნიშვნელოვანია თქვენი მონაცემების დამუშავების ფარგლების მინიმიზაცია, რათა არ გავცდეთ თქვენი მონაცემთა დაცვის ინტერესებს ან ძირითად უფლებებს და თავისუფლებებს. ზოგიერთ იშვიათ შემთხვევებში შეიძლება დაგჭირდეთ თქვენი პერსონალური ინფორმაციის დამუშავება თქვენი ან სხვა პირის სასიცოცხლო/მნიშვნელოვანი ინტერესების დასაცავად. ქვემოთ მოცემულია სია, თუ როგორ იყენებს Bitnet თქვენს პერსონალურ ინფორმაციას, დამუშავების შესაბამისი სამართლებრივი საფუძვლებით. თუ თქვენ გაქვთ შეკითხვები ან გჭირდებათ დამატებითი ინფორმაცია თქვენი მონაცემების შეგროვების/დამუშავების იურიდიულ საფუძველთან დაკავშირებით, რომელსაც ჩვენ ვაგროვებთ და ვიყენებთ, გთხოვთ დაგვიკავშირდეთ ელ. ფოსტის მეშვეობით: support@bitnet.ge.
ზემოაღნიშნული მონაცემები შესაძლოა შეგროვდეს/დამუშავდეს შემდეგი სამართლებრივი საფუძვლებით:
- ხელშეკრულების/შეთანხმების დადებისთვის;
- ჩვენთვის კანონმდებლობით დაკისრებული სამართლებრივი ვალდებულებების შესასრულებლად (AML და სხვა);
- თქვენი, როგორც მომხმარებლის ან/და ვიზიტორი თანხმობის შესაბამისად;
- ჩვენი ლეგიტიმური ინტერესისთვის, რათა მოვახდინოთ თაღლითობისა და სხვა დანაშაულებრივი ქმედების პრევენცია ან/და აღმოფხვრა.
როგორ ვაგროვებთ და ვინახავთ ინფორმაციას თქვენს შესახებ?
Bitnet იყენებს ისეთ ტექნოლოგიას, როგორიცაა მზა ჩანაწერები (cookies) ან/და თეგი (შემდგომში - თრექინგის ტექნოლოგია), იმისთვის, რომ შევაგროვოთ ზემოაღნიშნული ინფორმაცია და გავიგოთ, თუ როგორ იყენებენ ვიზიტორები ჩვენს ვებგვერდს.
მზა ჩანაწერების ან თეგების ტექნოლოგია გვეხმარება ვმართოთ და გავაუმჯობესოთ ვებგვერდის ეფექტურობა, მაგალითად იმის მიხედვით, ყოფილა თუ არა თქვენს კომპიუტერსა და ჩვენს ვებგვერდს შორის წარსულში რამე კავშირი, მოვახდინოთ ვებგვერდზე ყველაზე პოპულარული სექციების იდენტიფიცირება და სხვა.
როდესაც ინახავთ თქვენი მზა ჩანაწერების წესებს, ისინი ასევე ვრცელდება Bitnet-ის ვებ-გვერდზე თქვენს სამომავლო ვიზიტებზეც. თუმცა, Bitnet-ის მიღმა არსებული ტექნიკური მიზეზებით, ეს გარანტირებული არ არის. მაგალითად, თუ თქვენს მიერ მოხდა ინტერნეტ-ბრაუზერის აღდგენა/ხელახალი ინსტალაცია, მზა ჩანაწერებისგან გაწმენდა ან Bitnet-ის ვებგვერდზე ვიზიტი სხვა ინტერნეტ-ბრაუზერის ან მოწყობილობის გამოყენებით, თქვენი მზა ჩანაწერების წესები შესაძლოა დაიკარგოს.
ხშირ შემთხვევაში, თქვენ ასევე შეგიძლიათ აკონტროლოთ თრექინგის ტექნოლოგიები თქვენი ბრაუზერის გამოყენებით. გთხოვთ, დარწმუნდეთ, რომ თქვენი ბრაუზერის პარამეტრები ასახავს, გსურთ თუ არა მიიღოთ გაფრთხილება ან/და დაეთანხმოთ თრექინგის ტექნოლოგიებს (როგორიცაა ქუქიები), სადაც ეს შესაძლებელია. თქვენი ინტერნეტ-ბრაუზერის სპეციალურ შესაძლებლობებს და ინსტრუქციებს მათი მოხმარების შესახებ, როგორც წესი, შეგიძლიათ გაეცნოთ თქვენი ინტერნეტ-ბრაუზერის სახელმძღვანელოში ან სექციაში „დახმარება“.
თრექინგ ტექნოლოგიების გამოყენებაზე უარის თქმამ ან მათმა დეაქტივაციამ შესაძლოა უარყოფითი გავლენა იქონიოს Bitnet-ის ვებგვერდის ან მისი სხვადასხვა ნაწილების მიერ შემოთავაზებული სერვისების ხელმისაწვდომობაზე და მათ გამართულ ფუნქციონირებაზე. თუმცა, თუ არ გსურთ თქვენს მოწყობილობაზე მზა ჩანაწერების განთავსება, თქვენ შეგიძლიათ შეცვალოთ თქვენი ინტერნეტ-ბრაუზერის პარამეტრები.
ანონიმურობა
ანონიმიზაცია არის მონაცემთა დამუშავების ტექნიკა, რომელიც ცვლის პერსონალურ ინფორმაციას ისე, რომ ის არ იყოს დაკავშირებული კონკრეტულ ინდივიდთან.
Bitnet-მა შეიძლება გამოიყენოს მომხმარებლის ანონიმური ან გაერთიანებული მონაცემები ნებისმიერი ბიზნეს მიზნისთვის, მათ შორის კლიენტების საჭიროებებისა და ქცევის უკეთ გასაგებად, ჩვენი სერვისების გასაუმჯობესებლად, ბიზნეს დაზვერვისა და მარკეტინგის წარმართვისა და უსაფრთხოების საფრთხეების გამოსავლენად. ჩვენ შეიძლება შევასრულოთ საკუთარი ანალიტიკა ანონიმურ მონაცემებზე ან გავააქტიუროთ მესამე მხარის მიერ მოწოდებული ანალიტიკა.
მონაცემების ტიპები, რომელთა ანონიმირებაც შეგვიძლია მოიცავს, ტრანზაქციის მონაცემებს, დაწკაპუნების ნაკადის მონაცემებს, შესრულების მეტრიკას და თაღლითობის ინდიკატორებს.
ვის გადავცემთ ვებგვერდიდან თქვენზე შეგროვებულ ინფორმაციას?
Bitnet-მა შესაძლოა თქვენი ინფორმაცია გადასცეს მასთან აფილირებულ პირებს, მის ან მისი აფილირებული პირების აგენტებს ან Bitnet-ისთვის სერვისის მომწოდებელ მესამე პირებს თქვენი ქვეყნის გარეთ ან შიგნით, ზემოაღნიშნული მიზნების მისაღწევად. ჩვენთან აფილირებული პირები, აგენტები და სერვისის მომწოდებელი მესამე პირები, რომლებსაც Bitnet-ის ვებგვერდის მეშვეობით მოპოვებულ თქვენს პერსონალურ მონაცემებზე წვდომა აქვთ, ასევე გააჩნიათ ამ მონაცემების კონფიდენციალობის დაცვის ვალდებულება და შესაბამისი გარანტიები.
როდესაც ვახდენთ პერსონალური მონაცემების საერთაშორისო ტრანსფერს, ჩვენ ვრწმუნდებით ვართ თუ არა მოქმედ კანონმდებლობასთან და რეგულაციებთან შესაბამისობაში, მაგალითად, ვაფორმებთ შესაბამის ხელშეკრულებებს იმ პირებთან, რომლებიც თქვენს პერსონალურ მონაცემებს ჩვენგან იღებენ, რათა მათ უზრუნველყონ ამ მონაცემების ადეკვატური დაცვა.
ასევე, ჩვენ მიერ თქვენი ინფორმაცია შესაძლოა გადაეცეს სახელმწიფო ორგანოებს ან ერთეულებს, მარეგულირებელ ორგანოებს ან ნებისმიერ სხვა პირს, მოქმედი კანონმდებლობის, რეგულაციების, სასამართლო განჩინების ან ოფიციალური მოთხოვნის, სახელმწიფო მარეგულირებელი ორგანოს გამოცემული ინსქტრუქციის საფუძველზე და მიზნების შესაბამისად ან მოქმედი კანონმდებლობის საფუძველზე წარმართული ნებისმიერი მსგავსი პროცესის საფუძველზე.
რამდენ ხანს ვინახავთ თქვენს პერსონალურ ინფორმაციას?
ჩვენ ვინახავთ თქვენს პერსონალურ ინფორმაციას, რათა შეძლოთ გააგრძელოთ Bitnet-ის სერვისების გამოყენება მანამ, სანამ საჭიროა წინამდებარე კონფიდენციალობის პოლიტიკით გათვალისწინებული შესაბამისი მიზნების შესრულება და კანონით მოთხოვნილი მიზნების აღსასრულებლად, როგორიცაა საგადასახადო და სააღრიცხვო მიზნები, ფულის გათეთრების წინააღმდეგ კანონთან შესაბამისობა ან/და სხვა კანონის მიზნების განხორციელებისთვის თქვენთან კომუნიკაცია.
უსაფრთხოების რა ზომები დავნერგეთ ვებგვერდის მეშვეობით მოპოვებული თქვენი ინფორმაციის დასაცავად?
Bitnet-მა მოახდინა მისთვის ხელმისაწვდომი ყველა გონივრული ტექნიკური და ორგანიზაციული უსაფრთხოების ზომის იმპლემენტაცია, იმისათვის, რომ Bitnet-ის მიერ ვებგვერდის მეშვეობით მოპოვებული თქვენი პერსონალური მონაცემები დაცული იყოს უნებართვო წვდომისგან, გამოყენებისგან, დაკარგვისგან ან განადგურებისგან.
როგორ ვექცევით Bitnet-ის მიერ და Bitnet-ისთვის გაგზავნილ ელექტრონულ შეტყობინებებს?
Bitnet-ის მიერ და Bitnet-ისთვის გაგზავნილ ყველა ელექტრონულ შეტყობინებას (SMS, მაილი და სხვა) ჩვენ ავტომატურად ვინახავთ სპეციალური ელექტრონული ჟურნალის სისტემაში, რომელსაც გააჩნია სამართლებრივი მტკიცებულების ძალა. მათ ჩვენ ვიცავთ გონივრული ტექნიკური და ორგანიზაციული ზომების გამოყენებით და მათთან წვდომა დასაშვებია მხოლოდ განსაზღვრულ შემთხვევებში, მოქმედი კანონმდებლობის და რეგულაციების ზედმოწევნითი დაცვით (მაგალითად სასამართლოს განჩინება, დანაშაულის ჩადენის ეჭვი, რეგულატორული ვალდებულებების დარღვევა, შრომითი ხელშეკრულების არსებითი დარღვევა) სპეციალური ფუნქციებით აღჭურვილი კონკრეტული პიროვნებების მიერ (მაგალითად სამართლებრივი შესაბამისობის ან რისკების სამსახური). პროცესის ყოველი ნაბიჯი, მათ შორის გამოყენებული ძებნის კრიტერიუმები, შეიყვანება სპეციალურ აუდიტორულ ველში. ყველა შეტყობინება ნადგურდება მას შემდეგ, რაც ამოიწურება მათი შენახვისთვის განსაზღვრული გონივრული პერიოდი.
რა უნდა გაითვალისწინოთ, როდესაც მონაცემებს ინტერნეტის მეშვეობით აგზავნით?
მიიჩნევა, რომ ინტერნეტი არ წარმოადგენს დაცულ გარემოს, და ინფორმაციაზე, რომელსაც ინტერნეტის მეშვეობით იგზავნება (მაგალითად ვებგვერდის ან ელექტრონული შეტყობინების სისტემის გამოყენებით) შესაძლოა არასანქცირებული წვდომა მოიპოვონ მესამე პირებმა, რამაც, შესაძლებელია, გამოიწვიოს ინფორმაციის გამჟღავნება, ინფორმაციის შემცველი მასალის ცვლილება ან სხვა ტექნიკური შეცდომა. იმის მიუხედავად, იმყოფებიან თუ არა ინფორმაციის გამგზავნიც და მისი მიმღებიც ერთი და იმავე ქვეყანაში, ინტერნეტის მეშვეობით გაგზავნილი ინფორმაცია შესაძლოა გადაიცეს საერთაშორისო საზღვრების მიღმა და შესაძლებელია აღმოჩნდეს ისეთ ქვეყანაში, სადაც თქვენი ქვეყნისგან განსხვავებით, პერსონალური მონაცემების დაცვისათვის სუსტი მექანიზმები არსებობს.
გთხოვთ, გაითვალისწინოთ, რომ ჩვენ არ ვაგებთ პასუხს თქვენი ინფორმაციის უსაფრთხოებაზე იმ ეტაპზე, როდესაც ეს ინფორმაცია ინტერნეტის მეშვეობით Bitnet-ისთვის გადაცემის მდგომარეობაში იმყოფება. იმისათვის, რომ დაიცვათ თქვენი მონაცემების კონფიდენციალობა, გვსურს შეგახსენოთ, რომ თქვენ შეგიძლიათ Bitnet-თან კომუნიკაციისათვის აირჩიოთ ის მეთოდი, რომელსაც შესაფერისად მიიჩნევთ.
როგორ ვეპყრობით 18 წელს მიუღწეველი პირების შესახებ ინფორმაციას?
Bitnet არ ემსახურება პირებს, რომელთაც 18 წლის ასაკისთვის არ მიუღწევიათ და შესაბამისად, ვებ-გერდი არ აგროვებს პერსონალურ მონაცემებს აღნიშნული პირებისგან. Bitnet-ისთვის ვებგვერდის მეშვეობით პერსონალური მონაცემების გადაცემამდე 18 წელს მიუღწეველმა პირებმა უნდა მოიპოვონ ნებართვა მშობლებისგან ან კანონიერი წარმომადგენლებისგან.
როგორ შეგიძლიათ თქვენ პერსონალური მონაცემებზე წვდომა, მათი გაცნობა და შეზღუდვები?
მოქმედი კანონმდებლობით ან რეგულაციებით გათვალისწინებული წესით, თქვენ შეგიძლიათ:
- მიიღოთ ინფორმაცია თქვენს შესახებ დამუშავებული მონაცემების თაობაზე, კერძოდ, რა მონაცემები მუშავდება, რა არის მათი დამუშავების მიზანი და სამართლებრივი საფუძველი, ინფორმაცია მონაცემთა შეგროვების წყაროსა და მონაცემთა გადაცემის შესახებ;
- მოითხოვოთ მცდარი, არაზუსტი ან/და არასრული მონაცემების გასწორება, განახლება ან/და შევსება;
- მოითხოვოთ მონაცემთა დამუშავების შეწყვეტა, წაშლა ან განადგურება, თუ:
- გაითხოვთ თანხმობას, რომელიც წარმოადგენს მონაცემთა დამუშავების ერთადერთ საფუძველს;
- მონაცემების დამუშავება აღარ არის საჭირო იმ მიზნისთვის, რომლისთვისაც მოხდა მათი დამუშავება;
- მონაცემთა დამუშავება ხდება უკანონოდ.
- მოითხოვოთ მონაცემთა დაბლოკვა, თუ:
- სადავოა მონაცემთა ნამდვილობა ან სიზუსტე;
- მონაცემთა დამუშავება უკანონოა, თუმცა თქვენ არ გსურთ მათი მათ წაშლას და ითხოვთ მხოლოდ მათ დაბლოკვას;
- მონაცემები აღარ არის საჭირო მათი დამუშავების მიზნის მისაღწევად, თუმცა თქვენ ისინი გესაჭიროებათ სამართალწარმოების მიზნით;
- მიმდინარეობს მონაცემთა დამუშავების შეწყვეტის, წაშლის ან განადგურების მოთხოვნის განხილვა;
- ნებისმიერ დროს გამოითხოვოთ/უარი თქვათ მონაცემთა დამუშავების თაობაზე თქვენს მიერ გაცემულ თანხმობაზე და მოითხოვოთ მის საფუძველზე დამუშავებული მონაცემების წაშლა. ჩვენ შევწყვეტთ მონაცემთა დამუშავებას და წავშლით უკვე დამუშავებულ მონაცემებს, თუ არ არსებობს მონაცემთა დამუშავების კანონმდებლობით გათვალისწინებული სხვა საფუძველი.
- თქვენი უფლებების დარღვევის შემთხვევაში მიმართოთ პერსონალურ მონაცემთა დაცვის სამსახურს და/ან სასამართლოს.
თქვენი პერსონალური მონაცემების დამუშავებასთან დაკავშირებული მოთხოვნების არსებობის შემთხვევაში, გთხოვთ გამოგვიგზავნოთ წერილი შემდეგ მისამართზე: support@bitnet.ge ან დაგვიკავშირდეთ +995 322 050022.
თქვენი უფლებები შეიძლება შეიზღუდოს, თუ მათი რეალიზაცია საფრთხეს უქმნის:
- ქვეყნის ეროვნული უსაფრთხოების ან თავდაცვის ინტერესებს;
- საზოგადოებრივი უსაფრთხოების ინტერესებს;
- ქვეყნის მნიშვნელოვან ფინანსურ ან ეკონომიკურ (მათ შორის, მონეტარულ, საბიუჯეტო და საგადასახადო საკითხებთან დაკავშირებულ) ინტერესებს;
- დანაშაულის გამოვლენას, გამოძიებასა და აღკვეთას;
- თქვენი ან სხვათა უფლებებსა და თავისუფლებებს.
უფლებების შეზღუდვის ზომას Bitnet იყენებს მხოლოდ შეზღუდვის მიზნის ადეკვატურად და პროპორციული მოცულობით.
პერსონალური მონაცემების დამუშავებასთან დაკავშირებული ნებისმიერი საკითხი განხილული უნდა იქნეს კომპანიის შესაბამისი დეპარტამენტის მიერ, რომელთა დასკვნის საფუძველზე მოხდება პერსონალურ მონაცემთა სუბიექტის მოთხოვნის თაობაზე გადაწყვეტილების მიღება.
წინამდებარე ვერსია განახლდა 2024 წლის 27 თებერვალს.
გადმოწერე ბიტნეტის აპლიკაციადაასკანერე QR კოდიგადმოწერე ბიტნეტის აპლიკაცია iOS და Android მოწყობილობებისთვის
გადმოწერე ბიტნეტის
გადმოწერე ბიტნეტის აპლიკაციაბიტნეტის ყველა სერვისი შენს მობილურში. გადმოწერე უფასოდ და მართე კრიპტო მარტივად
დაასკანერე QR კოდიგადმოწერე ბიტნეტის აპლიკაცია
